राहाता (तालुका प्रतिनिधी)
राहाता बाजार समितीत सोमवारी कांद्याच्या भावात सुधारणा झाली असून, सर्वोच्च भाव १८५० रुपये प्रति क्विंटल नोंदवला गेला. या दिवशी एकूण ८,३७८ गोण्या कांद्याची आवक झाली.
कांदा नंबर १ ला १,५०० ते १,८५० रुपये असा दर मिळाला. कांदा नंबर २ साठी १,००० ते १,४५० रुपये दर नोंदवला गेला, तर कांदा नंबर ३ ला ५०० ते ९५० रुपये असा भाव मिळाला. गोल्टी कांद्याला ६०० ते १,२५० रुपये दर, तर जोड कांद्याला ३५० ते ७०० रुपये भाव मिळाला.
भाजीपाला आणि फळांच्या आवक-भावातही चांगली चढ-उतार नोंदवली गेली. डाळिंबाची ९,६५० क्रेट्स आवक झाली. त्यामध्ये नंबर १ डाळिंबाला २२१ रुपये दर मिळाला. नंबर २ साठी १४६ ते २२० रुपये, नंबर ३ साठी ६६ ते १४५ रुपये आणि नंबर ४ साठी १० ते ६५ रुपये भाव मिळाला.
ड्रॅगन फ्रूटला ३,५०० ते ५,००० रुपये असा दर असून सरासरी भाव ४,२५० रुपये होता. पेरूच्या २५८ क्रेट्स आवक झाली असून, पेरूला ५०० ते ३,२५० रुपये दर मिळाला. सरासरी दर १,८७५ रुपये नोंदवला गेला.
धान्य व कडधान्याच्या भावातही बदल झाला आहे. बाजरीला सरासरी २,०५१ रुपये दर, तर हरभऱ्याला सरासरी ४,७५५ रुपये भाव मिळाल्याची माहिती बाजार समितीचे सभापती ज्ञानेश्वर गोंदकर आणि सचिव सुभाष मोटे यांनी दिली.
