राहुरी | प्रतिनिधी | Rahuri
राहुरी शहराच्या (Rahuri City) मध्यवर्ती ठिकाणी असलेल्या स्टेट बँक ऑफ इंडियाचे चार एटीएम (ATM) मशीन आज (गुरुवारी) सकाळी एका इसमाने फोडल्याची धक्कादायक घटना घडली .
- Advertisement -
आज सकाळी दहा वाजताच्या सुमारास नगर मनमाड रस्त्यावर (Nagar-Manmad Road) असलेल्या स्टेट बँकेच्या राहुरी शाखेच्या आवारात चार एटीएम मशिन्स असून आज सकाळी एका इसमाने एटीएम मध्ये घुसून चारही एटीएम मशिन वर दगड टाकून फोडले .
या एटीएम सेंटरमध्ये दोन सीडीएम (कॅश भरणा ) व दोन एटीएम असून एटीएम फोडल्यानंतर आजूबाजूच्या ग्राहकांनी तात्काळ बँक अधिकारी व सुरक्षा रक्षकांशी संपर्क साधला. या माथेफिरूला तात्काळ ताब्यात घेऊन पोलिसांना (Police) कळविण्यात आले. लाखो रुपयांचे हे एटीएम मशीन असून, राहुरी पोलिसांनी सदर इसमाला ताब्यात घेतले आहे.
