जळगाव । प्रतिनिधी
महाविकास आघाडीचे जळगाव ग्रामीण मतदारसंघातील उमेदवार माजी मंत्री गुलाबराव देवकर यांच्या नेतृत्वावर विश्वास ठेवून रामदेववाडीचे सरपंच, उपसरपंच, सदस्यांनी तरूणांसह शरदचंद्र पवार राष्ट्रवादी काँग्रेस पक्षात नुकताच प्रवेश केला. श्री.देवकर यांनी सर्वांचे पक्षाच्या वतीने मनःपूर्वक स्वागत केले. विधानसभा निवडणुकीत माजी मंत्री गुलाबराव देवकर यांचे हात बळकट करण्यासाठी शरदचंद्र पवार राष्ट्रवादी काँग्रेस पक्षात प्रवेश करणार्‍यांची संख्या दिवसेंदिवस वाढतच आहे.
रामदेववाडीचे सरपंच भगवान भीका चव्हाण, उपसरपंच उखा भीमा राठोड, ग्रा.पं. सदस्य उदल चव्हाण, राजेश राठोड, राजेश चव्हाण यांनीही शेकडो तरूणांसह राष्ट्रवादीत प्रवेश केला. यावेळी राष्ट्रवादीचे युवक जिल्हाध्यक्ष उमेश पाटील, तालुकाध्यक्ष बापू परदेशी, युवक तालुकाध्यक्ष विनायक चव्हाण, शिरसोलीचे माजी सरपंच प्रदीप (बापू) पाटील व इतर पदाधिकारी मोठ्या संख्येने उपस्थित होते.
धरणगाव शहरातील शीख बांधवांचा प्रवेश
- धरणगाव शहरातील शीख बांधवांनी गुरुनानक जयंतीच्या पर्वाचे औचित्य साधून महाविकास आघाडीचे उमेदवार गुलाबराव देवकर यांच्या नेतृत्वावर विश्वास ठेवत राष्ट्रवादी काँग्रेस शरदचंद्र पवार पक्षात प्रवेश केला.
याप्रसंगी शीख बांधवांनी आपल्या भावना व्यक्त करताना सांगितले की, आजपर्यंत आम्ही आमच्या व्यथा अनेक लोकप्रतिनिधींना सांगितल्या, परंतु कोणीही त्याबाबत गांभीर्याने विचार केला नाही. आम्हाला विश्वास आहे की श्री देवकर नक्कीच आमच्या समस्या सोडवतील व आमचा सर्वांगिण विकास करतील. याप्रसंगी अजयसिंग टाक, विजयसिंग टाक, लालसिंग टाक, भजनसिंग सिकलकर, कन्हैय्यासिंग टाक, हिरासिंग टाक, बिरुसिंग सिकलकर, विक्रमसिंग सिकलकर, कर्तारसिंग जुन्नी आदी शीख बांधवांनी शरदचंद्र पवार राष्ट्रवादी काँग्रेस पक्षात जाहीर प्रवेश केला. या प्रवेश सोहळ्याप्रसंगी राष्ट्रवादी काँग्रेस शरदचंद्र पवार पक्षाचे धरणगाव शहराध्यक्ष लक्ष्मण पाटील सर, गोपाल पाटील, भगवान शिंदे, अविनाश करोसिया, संजू चंडाले, जुनेद बागवान, विलास वाघमारे, बबलू चव्हाण, चेतन पाटील, भैय्या भालेराव, सम्राट धनगर, हिरामण जाधव आदी उपस्थित होते.
