संगमनेर । Sangamner
भाजपचे माजी खासदार डॉ. सुजय विखे पाटील यांच्या धांदरफळ येथील सभेत वसंत देशमुख यांनी काँग्रेस नेते बाळासाहेब थोरात यांची कन्या डॉ. जयश्री थोरात यांच्यावर केलेल्या अश्लाघ्य, हिन टीकेवरून राज्यभर तीव्र प्रतिक्रीया उमटली आहे.
दुसरीकडे न्यायाची मागणी करणाऱ्या डॉ. जयश्री थोरात यांच्यावरच आता गुन्हा दाखल करण्यात आला आहे. आचारसंहिता असताना जमावबंदी आदेशाचा भंग केल्याप्रकरणी डॉ. जयश्री थोरात यांच्यासह ५० जणांविरुद्ध गुन्हा दाखल करण्यात आला आहे.
वसंतराव देशमुख यांच्यावर गुन्हा दाखल व्हावा यासाठी बाळासाहेब थोरात यांच्या कन्या जयश्री थोरात यांनी संगमनेर तालुका पोलीस स्टेशन समोर ठिय्या आंदोलन केलं. विधानसभा निवडणूक सुरू असल्याने आचारसंहिता सुरू आहे. कोणतीही पूर्वपरवानगी शिवाय संगमनेर पोलिस (Police) ठाण्यात आंदोलन केले. यामुळे डॉ. जयश्री थोरात यांच्यासह ५० जणांविरुद्ध गुन्हा दाखल करण्यात आला आहे.
यांच्याविरुद्ध दाखल झालाय गुन्हा
शिवसेना उद्धव बाळासाहेब ठाकरे पक्षाचे खासदार भाऊसाहेब वाकचौरे, डॉ. जयश्री थोरात, माजी नगराध्यक्षा दुर्गा तांबे, विश्‍वास मुर्तडक, माजी आमदार डॉ. सुधीर तांबे, इंद्रजीत थोरात, ज्येष्ठ नेते आमदार बाळासाहेब थोरात यांची कन्या शरयु थोरात, सुरेश थोरात, राहाता विधानसभेच्या काँग्रेसच्या उमेदवार प्रभावती घोगरे (रा. लोणी), सचिन बडगुजर (रा. श्रीरामपूर), बाबा ओहोळ (रा. वडगाव पान, ता. संगमनेर), सीताराम राऊत (रा. संगमनेर),वंचित बहुजन आघाडीच्या प्रवक्त्या उत्कर्षा रुपवते, बाळासाहेब गायकवाड (रा. आश्‍वी), हेमंत उगले (रा. श्रीरामपूर), करण ससाणे (रा. श्रीरामपूर), दिपाली करण ससाणे (रा. श्रीरामपूर), अमर कतारी (संगमनेर), अशोक सातपुते (रा. खांजापूर), माधवराव कानवडे (रा. संगमनेर), सचिन खेमनर, इंद्रजित खेमनर (रा. साकूर), राजाभाऊ खरात (रा. घुलेवाडी), सचिन चौघुले (रा. शिर्डी), सचिन दिघे (रा. तळेगाव) आणि यांच्यासह 50 जणांविरुद्ध गुन्हा दाखल करण्यात आला.
