अनेक स्टारकिड्सला आपल्या चित्रपटातून लॉंच करणारे निर्माता-दिग्दर्शक करण जोहर यांना शाहरुख खानचा मुलगा आर्यन याने मोठा धक्का दिला आहे.
करणने आजवर धर्मा प्रोडक्शन्सच्या मध्यमातून अनेक स्टारकिड्सना चित्रपटात संधी दिली आहे. शाहरुख खानचा मुलगा आर्यन खानला त्याच्या चित्रपटातून लॉंच करायचा दिग्दर्शक करण जोहरचा विचार होता.
करणने आर्यनला एका चित्रपटासाठी ऑफरदेखील दिल्याची माहिती मिळत आहे. मात्र आर्यनने करणच्या त्या ऑफरला धुडकावून लावले आहे.
आर्यन सध्या ऑफर नाकारत आहे मात्र नंतर तो होकार देईल, असे करणला वाटत होते. त्यामुळे करणने अनेकदा आर्यनला चित्रपटाबद्दल विचारणा केली. आर्यनने दरवेळेस करणच्या ऑफरला नकार दिला आहे.
केवळ करणच नव्हे तर झोया अख्तरनेही आर्यनला एक ऑफर दिल्याचे समजते. मात्र आर्यनने ती ऑफरही नाकारल्याची माहिती मिळत आहे.
आर्यन खानला अभिनयात आवड नसून त्याला दिग्दर्शनात आपले करिअर घडवायचे आहे. त्यामुळे आता शाहरुखनंतर त्याची मुलगी सुहाना खानच अभिनय क्षेत्रात पाऊल टाकेल अशी चर्चा आहे.
