सोनई |वार्ताहर| Sonai
हनुमानवाडी- शिंगणापूर रस्त्यावरील कपाशीच्या शेतात बुधवारी दुपारी बेवारस ड्रोन सापडला असून शिंगणापूर पोलिसांनी हा ड्रोन ताब्यात घेतला आहे. शिंगणापूर-हनुमानवाडी रस्त्यावरील शेटे वस्ती जवळील कपाशीच्या पिकात शेतकर्‍यांना हा ड्रोन पडलेल्या अवस्थेत सापडला.
- Advertisement -
शिंगणापूर पोलिसांनी याचा पंचनामा केला असता या ड्रोन वर कुठल्याही कंपनीचे लेबल नाही. बॅटरी संपल्यामुळे हे ड्रोन पडलेल्या अवस्थेत होते. या ड्रोनचे वजन 98 ग्रॅम असल्याचे पोलिसांनी सांगितले. हे ड्रोन कोण व कशासाठी उडवत होते याचा पुढील तपास शनिशिंगणापूरचे पोलीस पथक करत आहे.
