अहिल्यानगर |प्रतिनिधी| Ahilyanagar
केडगाव बायपास परिसरातील श्री स्वामी समर्थ किराणा अॅण्ड जनरल स्टोअर्स हे दुकान चोरट्यांनी मध्यरात्री फोडून दुकानातील रोकडसह तब्बल 99 हजार रुपयांचा माल लंपास केला. ही घटना 26 ऑगस्ट रोजी मध्यरात्री पावणेदोन वाजेच्या सुमारास घडली असून या प्रकरणी कोतवाली पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, केडगाव येथील वेअर हाऊस गोदामाजवळ राहणारे व्यावसायिक गोरक्षनाथ लोंढे (वय 44) यांचे केडगाव बायपास रोडवर किराणा दुकान आहे. 26 ऑगस्ट रोजी मध्यरात्री अज्ञात चोरट्यांनी दुकानाच्या शटरचे कुलूप तोडून आत प्रवेश केला. चोरट्यांनी दुकानातील गल्ल्यात ठेवलेली 20 हजार रुपयांची रोकड, 50 हजार रुपये किमतीची सिगारेटची पाकिटे, 5 हजार रुपयांचा सुकामेवा (काजू, बदाम, मनुके), 10 हजार रुपयांची ऊर्जा पेये (एनर्जी ड्रिंक्स), 2 हजार रुपयांचे चॉकलेट-बिस्किटे, 10 हजार रुपयांचे तांदूळ, तूरडाळ, बेसन असे किराणा सामान आणि 2 हजार रुपयांचे लेखन साहित्य (वह्या, पेन) असा एकूण 99 हजार रुपयांचा ऐवज चोरून नेला.
सकाळी चोरीचा हा प्रकार उघडकीस आल्यानंतर दुकानदार गोरक्षनाथ लोंढे यांनी तत्काळ कोतवाली पोलीस ठाण्यात धाव घेऊन तक्रार दिली. गोरक्षनाथ लोंढे यांच्या फिर्यादीवरून कोतवाली पोलिसांनी अज्ञात आरोपींविरुद्ध भारतीय न्याय संहितेनुसार चोरीचा गुन्हा नोंदवला आहे. या प्रकरणी पोलिसांनी वाहन चालक मारुती कोरे (वय 38, रा. माळशिरस) आणि शुभम खाडे (वय 25, रा. अकलूज, जि. सोलापूर) या दोघांविरुद्ध गुन्हा दाखल केला आहे. या कारवाईत 6 लाख रुपये किमतीचे वाहन आणि 3 लाख 30 हजार रुपयांची 11 जनावरे असा 9 लाख 30 हजार रुपयांचा ऐवज जप्त करण्यात आला आहे.
