मुंबई | Mumbai
इंडियन प्रीमियर लीग क्रिकेट स्पर्धेमध्ये गुरूवारी १७ एप्रिल २०२५ रोजी मुंबई इंडियन्स संघासमोर सनरायझर्स हैदराबाद (Mumbai Indians vs Sunrisers Hyderabad) संघाचे आव्हान असणार आहे. सनरायझर्स हैदराबाद संघाचे कर्णधारपद पॅट कमिन्स (Pat Cummins) तसेच हार्दिक पांड्या (Hardik Pandya) मुंबई इंडियन्स संघाचे नेतृत्व करणार आहे. भारतीय वेळेनुसार सायंकाळी ७:३० वाजता सामना खेळविण्यात येणार आहे.
आयपीएल (IPL) क्रिकेट स्पर्धेमध्ये यंदाच्या हंगामात दोन्ही संघांच्या कामगिरी बद्दल बोलायचे झाल्यास सातत्याचा अभाव दिसून आला आहे. सनरायझर्स हैदराबाद संघाने पंजाब किंग्ज आणि राजस्थान रॉयल्स विरूध्द विजय संपादन केला आहे. मात्र, कोलकाता नाईट रायडर्स, गुजरात टायटन्स, लखनौ सुपर जायंट्स, दिल्ली कॅपिटल्स विरूध्द हैदराबाद संघाने पराभव स्वीकारला आहे.
दुसरीकडे मुंबई इंडियन्सने कोलकाता नाईट रायडर्स, दिल्ली कॅपिटल्स विरूध्द विजय (Win) संपादन केला आहे. मात्र, चेन्नई सुपरकिंग्ज, लखनौ सुपर जायंट्स, गुजरात टायटन्स विरूध्द मुंबई इंडियन्स संघाचा पराभव झाला आहे. विशेष म्हणजे उपांत्य फेरीत आपला प्रवेश निश्चित करण्यासाठी दोन्ही संघांमध्ये निर्णायक सामना खेळविण्यात येणार आहे. पराभूत संघाचे आव्हान संपुष्टात येणार आहे. त्यामुळे विजयी लय कायम राखण्यासाठी सनरायझर्स हैदराबाद आणि मुंबई इंडियन्स सज्ज असणार आहेत.
आयपीएल क्रिकेट स्पर्धेमध्ये दोन्ही संघांमध्ये २३ सामने खेळविण्यात आले असून, हेड टू हेड आकडेवारी पाहिल्यास मुंबई इंडियन्स ने १३ तर सनरायझर्स हैदराबाद ने १० सामन्यात विजय संपादन केला आहे. तर मुंबई येथील वानखेडे स्टेडियमवर ८ पैकी ६ सामन्यात मुंबई इंडियन्सने विजय संपादन केला आहे. सनरायझर्स हैदराबादने २ सामन्यात विजय संपादन केला आहे. अखेरच्या सामन्यातील विजयामुळे दोन्ही संघांचा आत्मविश्वास वाढला आहे. त्यामुळे विजयी हॅट्रिक करण्याच्या इराद्याने दोन्ही संघ (Team) सज्ज असणार आहेत.
