मुंबई | Mumbai
सुशांत सिंग राजपूत, मराठी अभिनेता आशुतोष भाकरे नंतर ‘सास भी कभी बहु थी’, ‘ये रिश्ते है प्यार के’, ‘कहानी घर घर की’ यांसारख्या लोकप्रिय मालिकेत देखील काम केलेल्या समीर शर्मा या अभिनेत्याने आत्महत्या केली आहे. त्यांचा मृतदेह राहात असलेल्या घरात पंख्याला लटकलेल्या अवस्थेत मिळून आला असल्याची माहिती पोलिसांनी दिली आहे.
- Advertisement -
समीर शर्मा दिल्ली येथील रहिवासी होते. त्यांनी त्यांचे शिक्षण पूर्ण झाल्यानंतर ते बंगळूर येथे गेले. तिथे त्यांनी विविध प्रकारची कामे केली. पण आपले अभिनयाचे स्वप्नं पूर्ण करण्यासाठी त्यांनी मुंबई गाठली. स्टार वनच्या ‘दिल क्या चाहता है’ या मालिकेतून त्यांनी अभिनयाला सुरूवात केली होती. हिंदी चित्रपट ‘हसी तो फसी’ या चित्रपटात देखील त्यांनी काम केले होते.
