भुसावळ –
येथील रेल्वे स्थानकावरील स्टेशन उपप्रबंधक यांनी धावत्या मालगाडी खाली उडी घेऊन आत्महत्या केली. ही घटना आज (दि.1) सायंकाळी 6 वाजेच्या सुमारास घडली.
- Advertisement -
याबाबत लोहमार्ग पोलीस ठाण्यात अकस्मात मृत्यूची नोंद करण्यात आली आहे. मध्य रेल्वेच्या ओ.पी.टी.जी.विभागात भुसावळ रेल्वे फलाट क्रमांक 4 वरील स्टेशन उपप्रबंधक उपप्रबंधक मिलींद दिवाकर मार्कंडे (वय 54), रा.कुलकर्णी प्लॉट, भुसावळ यांनी स्वामी समर्थ मंदिराजवळ मालगाडीखाली झोकून देत, आत्महत्या केल्याची घटना सायंकाळी 6 वाजेपूर्वी घडली.
घटनेचे वृत्त कळताच लोहमार्ग पोलीस ठाण्याच्या कर्मचार्‍यांनी घटनास्थळी जाऊन पाहणी केली. याबाबत जीआरपी पोलीस ठाण्यात अकस्मात मृत्यूची नोंद करण्यात आली आहे. आत्महत्येचे कारण मात्र समजू शकले नाही.
