पाथर्डी |तालुका प्रतिनिधी|Pathardi
सोनोशी येथे निवृत्त शिक्षकाच्या घरी अनोळखी चोरट्यांनी घरफोडी (Burglary) करून तीन लाख आठ हजार रुपयांचा ऐवज लंपास केला आहे. या घटनेमुळे परिसरात चोरट्यांची दहशत पसरली आहे. याबाबत पोलिसांकडून मिळालेली माहिती अशी, भानुदास ज्ञानोबा दौंड हे निवृत्त शिक्षक सोनोशी येथे परिवारासह राहतात. गुरुवारी रात्री दौंड कुटुंबीय जेवण करून घरात झोपले होते. शुक्रवारी पहाटे तीन वाजण्याच्या सुमारास भानुदास दौंड यांना जाग आली.
तेव्हा तीन अनोळखी चोरटे (Theft) घरातून पळत गेल्याचे त्यांच्या लक्षात आले. घरातील गेटचे कुलूप तोडून तिघे चोरटे घरात शिरले होते. त्यानंतर कपाट व कोटीची उसकापाचं करून चोरट्यांनी (Theft) सोन्याचे झुंबर, वेल, नथ, गंठण पोत दहा हजार रुपये रोख व साडेतीन हजाराच्या दोन साड्या असा तीन लाख आठ हजार रुपयांचा ऐवज चोरून नेला आहे. दौंड (Daund) यांच्या फिर्यादीवरून पोलिसांनी गुन्हा दाखल केला आहे
