मुंबई | Mumbai
राज्यात लोकसभा निवडणुकीची रणधुमाळी सुरु असतानाच जाहीर करण्यात आलेल्या विधान परिषद निवडणुक आणि शिक्षक पदवीधर संघाच्या निवडणुकीबाबत आत्ता महत्वाची अपडेट समोर आली आहे. शिक्षक, पदवीधरच्या चार मतदारसंघासाठी जाहीर करण्यात आलेली निवडणुक पुढे ढकलण्यात आली आहे.
विधान परिषदेच्या मुंबई आणि कोकण पदविधर यासोबतच मुंबई आणि नाशिक शिक्षक या चार मतदारसंघांसाठी ही निवडणुक जाहीर करण्यात आली होती. या चारही जागांवर येत्या १० जून रोजी मतदान तर १३ जून रोजी मतमोजणी करण्यात येणार होती. शाळांमधल्या उन्हाळी सुट्ट्या संपल्यानंतर ही निवडणुक घेण्यात यावी अशी मागणी निवडणुक आयोगाकडे करण्यात आली होती.
हे ही वाचा : विशेष ‘योग’ साधत PM मोदींनी वाराणसीतून केला उमेदवारी अर्ज दाखल
दरम्यान, निवडणुक आयोगाने यावर विचार करुन महाराष्ट्र विधान परिषदेच्या निवडणुकीचा कार्यक्रम पुढे ढकलण्याचा निर्णय घेतला आहे. यासंदर्भातील अधिकृत परिपत्रक जाहीर करण्यात आले आहे.
