कार अपघातात तीन जण गंभीर जखमी

येवला | प्रतिनिधी Yeola

येवला- नाशिक महामार्गावर अंगणगाव येथे झालेल्या कार अपघातात तिघे गंभीर जखमी झाले आहेत.

शुक्रवार, (दि. १२) रोजी सकाळी अकरा वाजेच्या सुमारास येवला- नाशिक महामार्गावर अंगणगाव येथील शिक्षक कॉलनी जवळ स्विफ्टकार चालकाचे नियंत्रण सुटल्याने कार थेट रस्त्याच्या कडेला नाल्यात गेली. या अपघातात यश पवार, संकेत कोल्हे व सनी निकम रा. येवला हे तीघे गंभीर जखमी झाले.

जखमींना तातडीने खाजगी रुग्णालयात उपचारार्थ दाखल करण्यात आले. अंगणगाव येथील एका गॅरेज मधील स्विफ्ट कार टेस्ट ड्राईव्ह साठी घेऊन जात असताना सदर अपघात झाला. या अपघातात गाडीचा चक्काचूर झाला आहे.