ब्रह्मगिरी पर्वतावर दगड कोसळून तीन यात्रेकरू जखमी

त्र्यंबकेश्वर । वार्ताहर Trimbakeshwar

ब्रह्मगिरी पर्वतावर दगड कोसळून तीन यात्रेकरू किरकोळ जखमी झाले. धुळे येथील विशाल गिरासे (28), शेगाव येथील नेहा डावरे (28) आदी तिघे जण रात्री ब्रह्मगिरी येथे दर्शनासाठी गेले होते. त्यावेळी अचानक दगड पडून तिघे जण जखमी झाले.

येथील उपजिल्हा रुग्णालयात डॉक्टर सुशील कुमार शिंदे यांनी त्यांच्यावर उपचार केले. दोघांच्या हाताला मार लागला आहे. जयश्री गिरासे यांना डोक्याला मार बसला. दगड कशामुळे पडले ते कळू शकले नाही.

ब्रह्मगिरी पर्वतावर धोकादायक ठिकाणी संरक्षक जाळ्या बसवाव्यात, अशी मागणी सातत्याने केली जात आहे. मात्र वन विभागाकडून त्याबाबत गांभीर्य दाखवले जात नसल्याची भाविकांची तक्रार आहे.