दहावीचा आजचा पेपर रद्द; ‘हे’ आहे कारण

मुंबई | Mumbai

महाराष्ट्र राज्य माध्यमिक व उच्च माध्यमिक शिक्षण मंडळाकडून दहावी आणि बारावीच्या पुरवी परीक्षा घेतल्या जात आहेत. दि. 18 जुलै ते 1 ऑगस्ट 2023 या कालावधीमध्ये दहावीची पुरवणी परीक्षा तर 18 जुलै ते 10 ऑगस्ट 2023 या कालावधीत बारावीची पुरवणी परीक्षा होत आहेत.

मात्र राज्यातील काही जिल्ह्यांना आज अतिवृष्टीचा इशारा देण्यात आल्याने बोर्डाकडून आजचा दहावीचा पेपर रद्द करण्याचा निर्णय घेण्यात आला आहे. आता हा पेपर सुधारीत वेळापत्रकानुसार गुरुवार दि. ३ ऑगस्ट रोजी सकाळी ११ ते दुपारी १ वाजेदरम्यान होणार आहे.

आज दहावीचा इतिहास आणि राज्यशास्त्राचा पेपर होता, मात्र अतिवृष्टीच्या इशारामुळे आता हा पेपर पुढे ढकलण्यात आला आहे. याबाबत बोर्डाकडून प्रसिद्धीपत्रक जारी करण्यात आले आहे.