धुळे । dhule । प्रतिनिधी
भरधाव ट्रकने (Truck collides) दुचाकीला (two-wheeler) दिलेल्या धडकेत एक ठार (one killed,) तर दुसरा जखमी (injured) झाला आहे. हा अपघात काल दुपारी सुरत-नागपूर महामार्गावरील धुळे तालुक्यातील मोराणे प्र.नेर शिवारात झाला. याप्रकरणी ट्रक चालकावर गुन्हा नोंद झाला आहे.
शालीग्राम रतन पाटील (वय 60 रा. मोराणे प्र. नेर) असे मयताचे नाव आहे. ते दि.23 मार्च रोजी दुपारी सव्वा चार वाजेच्या सुमारास भाऊ भटु रतन पाटील याच्या सोबत दुचाकीने (क्र.एमएच 18 बीटी 7880) धुळयाकडून साक्रीकडे जात होते. मोराणे प्र. नेर गाव शिवारातील राधा स्वामी सत्संग केंद्रासमोर त्यांना भरधाव वेगाने ओव्हरटेक करीत येणार्‍या ट्रकने (क्र.टीएन 47 व्ही 4585) क्रमांकाच्या ट्रकने जोरदार धडक दिली. त्यात शालिग्राम पाटील यांचा गंभीर जखमी होवून मृत्यू झाला. तर भटू पाटील हे जखमी झाले. अर्जुन रतन पाटील (वय 59 रा. सिताराम नगर, देवपूर) यांच्या फिर्यादीवरून अपघातास कारणीभूत ठरल्याप्रकरणी ट्रक चालकावर गुन्हा दाखल झाला आहे.
