धुळे ।dhule। प्रतिनिधी
दोंडाईचातील आंबेडकर नगरात मित्राच्या हळदीच्या कार्यक्रमात लावलेल्या गाण्यावरून दोघांवर तलवारी जिवघेणा हल्ला करण्यात आला. त्यात दोघे जखमी झाले. याप्रकरणी दोन जणांवर गुन्हा नोंद झाला आहे.
- Advertisement -
भुषण माधवराव गवळे (वय 28 रा. डाबरी घरकुल, दोंडाईचा) व सचदेव रविंद्र गवळी अशी दोघा जखमींची नाव आहेत. काल दि. 27 रोजी रात्री साडेदहा वाजेच्या सुमारास वरील कारणावरून दोघांना कौसल मुसा खाटीक व सहिद मुसा खाटीक (रा. होळी चौक, दोंडाईचा) यांनी शिवीगाळ करीत जिवे मारण्याची धमकी दिली. तसेच तलवारीने वार करीत दोघांना जखमी केले. याबाबत भुषण गवळे याने दिलेल्या फिर्यादीवरून कौसल खाटीक व सहिद खाटीक या दोघांवर गुन्हा दाखल झाला असून तपास पोसई दिनेश मोरे हे करीत आहेत.
