नवी दिल्ली वृत्तसंस्था | New Delhi
केंद्रीय लोकसेवा आयोगामार्फत घेण्यात येणाऱ्या युपीएससी परीक्षेचा निकाल नुकताच जाहीर झाला असून शक्ती दुबे या महिला उमेदवाराने देशात पहिला क्रमांक पटकावला आहे तर हर्षिता गोयलने देशात दुसरी येण्याचा मान मिळवला आहे. महाराष्ट्राच्या हर्षित डोंगरेचा देशात तिसरा क्रमांक आलेला आहे. २०२४ च्या लेखी आणि मुलाखतीच्या आधारे हा निकाल जाहीर करण्यात आला आहे.
यूपीएससी परीक्षा देऊन प्रशासकीय सेवेत काम करण्याचे अनेकांचे स्वप्न असते. यासाठी तरुण-तरुणी दिवसरात्र एक करून अभ्यास करत असतात. अशी मेहनत घेतलेल्या सर्व विद्यार्थ्यांना आज निकालानंतर त्याचे फळ मिळाले आहे. सप्टेंबर महिन्यात यूपीएससी परीक्षा आणि जानेवारी महिन्यात पर्सनॅलिटी टेस्ट झाली होती. त्यानंतर एकूण १००९ उमेदवारांपैकी २४१ उमेदवारांची निवड करण्यात आली. उमेदवारांना भारतीय प्रशासकीय सेवा (IAS),भारतीय पोलिस सेवा (आयपीएस), भारतीय परराष्ट्र सेवा (IFS), भारतीय महसूल सेवा (IRS) अशा सेवांमधअये नियुक्त केले जाईल. संविधानाच्या नियम २० (४) आणि (५) नुसार, आयोगाने २३० उमेदवारांची राखीव यादी देखील प्रसिद्ध केली आहे.
युपीएससी आयोगाकडून 2024 च्या युपीएससी परीक्षेचा निकाल जाहीर करण्यात आला असून upsc.gov.in या वेबसाईटवर उमेदवारांना हा निकाल पाहता येणार आहे. यंदाच्या परीक्षेत यामध्ये शक्ती दुबे ही देशात पहिली आली असून हर्शिता गोयल ही देशातून दुसरी आली आहे. तसेच महाराष्ट्राच्या पुण्यातून अर्चिंत डोंगरे हा देशातून तिसरा आला आहे. शाह मार्गी चिराग याने चौथा क्रमांक आणि आकाश गर्ग याने पाचवा क्रमांक पटकावला आहे. ठाण्यातील तेजस्वी देशपांडे हिने ९९ वा क्रमांक पटकावला असून ठाण्याच्याच अंकिता पाटीलने ३०३ वा क्रमांक मिळवला आहे.
यशस्वी उमेदवारांना आता त्यांच्या पसंती, रँक आणि उपलब्धतेनुसार वेगवेगळ्या सेवा आणि केडर देण्यात येणार आहे. हे वाटप भारत सरकारच्या धोरणांनुसार असेल. आता निवड झालेल्या उमेदवारांना लाल बहादूर शास्त्री नॅशनल अकॅडमी ऑफ अॅडमिनिस्ट्रेशन (LBSNAA)मध्ये ट्रेनिंगसाठी पाठवण्यात येईल. याठिकाणी आयएएस (IAS) पदासाठी ट्रेनिंग दिले जाते. तर आयपीएस (IPS) पदासाठी निवड झालेल्या उमेदवारांना सरदार वल्लभभाई पटेल नॅशनल पोलिस अकॅडमीत ट्रेनिंगसाठी पाठवण्यात येईल.
देशदूतच्या व्हाट्सॲप ग्रुपला जॉईन होण्यासाठी लिंकवर क्लिक करा
