घोटी । जाकीर शेख Ghoti
नाशिक मुंबई महामार्गावरील वैतरणा फाट्याजवळ भरधाव कंटेनरने मोटरसायकलला धडक दिल्याने या धडकेत कंटेनर मोटरसायकल स्वाराच्या डोक्यावरून गेल्याने मोटरसायकल स्वाराचा जागीच मृत्यू झाला आहे. या अपघातात इगतपुरी शहरातील योगेश मदन परदेशी, वय २५ वर्ष, राहणार खालची या तरुणाचा जागीच मृत्यू झाला.
या बाबत अधिक माहिती अशी की, सोमवारी रात्री ९ वाजेच्या सुमारास अपघात झाला त्या ठिकाणी पुलाचे काम चालू असून जागीच वळण आणि उतार असून कोणताही दिशा दर्शक फलकही नसुन मोठ्या प्रमाणात अंधार आहे. या ठिकाणी गेल्या तीन वर्षांपासून उड्डाण पुलाचे काम संथ गतीने सुरू आहे. या पुलाच्या कामामुळे आत्तापर्यंत या परिसरात शेकडो अपघात झाले असून शेकडो नागरिकांचा बळी गेला असुन कितीतरी कायमचे जायबंदी झाले आहेत.
सदर ठिकाणी कोणत्याही प्रकारची गटार नसल्यामुळे या ठिकाणी मोठ्या प्रमाणावर खड्डे असून पावसाचे पाणी व मोठया प्रमाणावर चिखल होत आहे. या घटनेत कंटेनर चालकाला घोटी पोलिसांनी ताब्यात घेतले असुन गुन्हा दाखल करण्यात आला आहे.
