मुंबई | Mumbai
बॉलिवूडचे ज्येष्ठ अभिनेते युसूफ हुसैन (Yusuf Husain) यांचे आज निधन झाले आहे. निर्माते आणि युसुफ यांचे जावई हंसल मेहता (Hansal Mehta) यांनी सोशल मीडियावरुन युसुफ हुसेन यांच्या निधनाची माहिती दिली. युसूफ खान यांनी आपल्या अभिनय कारकिर्दीत अनेक चित्रपट आणि टीव्ही मालिकांमध्ये काम केले आहे.
दिग्दर्शक हंसल मेहता यांनी त्यांना भावपूर्ण श्रद्धांजली वाहिली आहे. निर्माता आणि अभिनेते युसूफ हुसैन यांच्या निधनाने हंसल मेहता हादरून गेले आहेत. जड अंत:करणाने ही दुःखद माहिती देताना त्यांनी भावनिक पोस्ट लिहिली आहे की, ‘मी आज खऱ्या अर्थाने अनाथ झालो आहे. आता माझं आयुष्य पूर्वीसारखं राहणार नाही.”
युसुफ हुसेन यांनी रईस, धूम २, दिल चाहता है, ओह माय गॉड, विवाह, राज, हजारों ख्वाइशे ऐसी, शाहिद, क्रिश ३, दबंग ३, द ताश्कंद फाइल्स, जलेबी, खोया खोया चांद, क्रेजी कुक्कड फॅमिली, रोड टू संगम या सिनेमांमध्ये…
तसेच सीआयडी, तुम बिन जाऊ कहां, कुमकुम : एक प्यारा सा बंधन, श्श्शू… कोई है, मुल्ला नसरुद्दीन या टीव्ही मालिकांमध्ये त्यांनी भूमिका केल्या होत्या.
