‘हुकूमत’ चित्रपटाचे निर्माते केसी शर्मा यांचं निधन

मुंबई | Mumbai

जेष्ठ चित्रपट निर्माते केसी शर्मा (KC Sharma) यांचे हृदय विकाराच्या झटक्याने निधन झाले. ८९ वर्षी त्यांनी मुंबईमध्ये अखेरचा श्वास घेतला.

केसी शर्मा यांचा मुलगा अनिल शर्मा हा चित्रपट उद्योगातील दिग्गज चित्रपट दिग्दर्शकांपैकी एक आहे. केसी शर्मा हे त्यांच्या काळातील ज्येष्ठ चित्रपट निर्माते आणि दिग्दर्शक बीआर चोप्रा यांच्या खूप जवळ होते. त्यांच्या सांगण्यावरून केसी शर्मा मथुरा सोडून मुंबईत आले.

केसी शर्मा यांनी चित्रपटसृष्टीमध्ये बरीच वर्ष निर्माते म्हणून काम केलं. बॉलिवूडमधील सुप्रसिद्ध कलाकारांबरोबर त्यांनी काम केलं होतं. ‘तहलका’, ‘जवाब’, ‘पोलिसवाला गुंडा’ सारख्या हिंदी चित्रपटांच्या निर्मितीची जबाबदारी त्यांनी पेलली. त्याचबरोबरीने धर्मेंद्र, अक्षय कुमार यांच्याबरोबर केसी शर्मा यांनी बरंच काम केलं आहे.