दिवाळीचा सण हा प्रकाशाचा आणि आनंदाचा सण आहे. दिवे लावून आपण केवळ आपले घरच प्रकाशित करत नाही तर आपले मन आणि जीवन देखील प्रकाशित करतो. दिवाळीला दिवे लावण्याची परंपरा त्रेतायुगात सुरू झाली, जेव्हा भगवान राम लंका जिंकून अयोध्येला परतले. या शुभमुहूर्तावर अयोध्यावासीयांनी दीपप्रज्वलन करून भगवान श्रीरामांचे स्वागत केले. आश्विन महिन्याच्या अमावस्या तिथीच्या रात्री हा उत्सव साजरा केला जात होता, तेव्हापासून हा प्रकाश आणि संपत्तीचा उत्सव म्हणून साजरा केला जातो.
दिवाळीत गणपती आणि देवी लक्ष्मीची पूजा करण्याची परंपरा आहे. दिवाळीच्या मुहूर्तावर या दोघांची भक्तिभावाने पूजा केल्याने घर धनधान्याने भरलेले राहते, असे मानले जाते. याप्रसंगी दिवा लावण्याची स्वतःची खास श्रद्धा आणि पद्धत आहे. चला जाणून घेऊया दिवे लावण्याचे नियम काय आहेत आणि वेगवेगळ्या दिशेने दिवे लावल्याने काय परिणाम होतो?
शुद्ध अंतःकरणाने दिवा लावा : दिवाळीत नेहमी शुद्ध अंतःकरणाने दिवा लावावा असे मानले जाते. दिवा लावताना, आपले मन शांत आणि सकारात्मक भावनांनी भरलेले ठेवा.
तूप किंवा शुद्ध तेल वापरा : दिवाळीला दिवा लावण्यासाठी तूप आणि शुद्ध तेल वापरणे शुभ मानले जाते.
नवा दिवा लावा : दिवाळीला नवा दिवा लावण्याची परंपरा आहे.
पूर्वेकडे तोंड करून दिवा लावा : बहुतेक लोक पूर्वेेकडे तोंड करून दिवा लावतात, कारण पूर्वेला देवांची दिशा मानली जाते.
दिवा स्वच्छ ठिकाणी ठेवा : दिवा स्वच्छ ठिकाणी ठेवा, जेथे धूळ किंवा इतर अशुद्धी नसावी.
दिशा बदलल्याने तुमचे नशीब बदलेल
पूर्व दिशा – पूर्व दिशा ही सूर्यदेवाची दिशा मानली जाते. या दिशेला दिवा लावल्याने आरोग्यास लाभ होतो, बुद्धिमत्ता वाढते आणि सकारात्मक उर्जा संचारते.
पश्चिम दिशा – पश्चिम दिशा ही पूर्वजांची दिशा मानली जाते. या दिशेला दिवा लावल्याने पितरांचा आशीर्वाद मिळतो आणि घरात शांतता कायम राहते.
उत्तर दिशा – उत्तर दिशा ही कुबेर देवाची दिशा मानली जाते. या दिशेला दिवा लावल्याने घरात आर्थिक लाभ आणि समृद्धी येते.
दक्षिण दिशा- दक्षिण दिशा ही यमराजाची दिशा मानली जाते. या दिशेला दिवा लावल्याने नकारात्मक ऊर्जा नष्ट होते आणि घरात सुरक्षितता राहते.
वास्तुशास्त्राचे कोपरे आणि दिवाळीचे दिवे
ईशान्य : ईशान्य ही भगवान शंकराची दिशा मानली जाते. या कोनात दिवा लावल्याने मन शांत होते, आध्यात्मिक प्रगती होते आणि समृद्धी वाढते.
नैऋत्य कोपरा : नैऋत्य कोपरा हा यमराजाच्या दिशेचा भाग मानला जातो. या कोनात दिवा लावल्याने मृत्यूची भीती नाहीशी होते, वास्तू दोष दूर होतात आणि अपघात टळतात.
वायव्य कोपरा : वायव्य कोपरा ही वायुदेवाची दिशा मानली जाते. या कोनात दिवा लावल्याने रोगांपासून आराम मिळतो आणि आरोग्याला फायदा होतो.
अग्नी कोन : अग्नी कोन ही अग्निदेवाची दिशा मानली जाते. या कोनात दिवा लावल्याने घरातील सदस्यांमध्ये नवीन आणि सकारात्मक ऊर्जा निर्माण होते.
