जामखेड |तालुका प्रतिनिधी| Jamkhed
- Advertisement -
पिंपळगाव उंडा येथील महिला गीतांजली आश्रू (बाळू) गव्हाणे (वय 42) या महिलेने शेतातील झाडाला गळफास घेऊन आत्महत्या केली. आत्महत्येचे कारण समजू शकले नाही. पिंपळगाव उंडा येथील गीतांजली आश्रू गव्हाणे या कुटुंबासमवेत पिंपळगाव उंडा येथे राहत होत्या. त्यांनी मंगळवारी आपल्या मुलीला व जावई यांना फोन करून आत्महत्या करणार असल्याचे सांगितले होते.
त्यानंतर पिंपळगाव, सोनेगाव रस्त्यावर झाडाला दुपारी गव्हाणे यांनी गळफास घेऊन आत्महत्या केली. मयत गव्हाणे यांच्या मागे पती, दोन मुली (एक मुलगी विवाहित) आणि मुलगा असा परीवार आहे. पुढील तपास खर्डा पोलीस ठाण्याचे सहाय्यक निरीक्षक विजय झंजाड यांच्या मार्गदर्शनाखाली हवालदार आर. के. सय्यद करत आहेत.
