पालघर | Palghar
जिल्ह्यातील बोईसर परिसरात (Boisar Area) एका तरुणीवर तरुणाकडून भरदिवसा रहदारीच्या ठिकाणी गोळीबार (Firing) करण्यात आल्याची घटना घडली असून या गोळीबारात संबंधित तरुणीचा जागीच मृत्यू (Death) झाला आहे…
याबाबत बोईसर पोलिसांनी प्रेम प्रकरणातून हा गोळीबार झाल्याचा प्राथमिक अंदाज व्यक्त केला आहे. बोईसरमधील टिमा हॉस्पिटलजवळ हा गोळीबार झाला. या गोळीबारात संबधित तरुणीचा जागीच मृत्यू झाला.
तसेच कृष्णा यादव (Krishna Yadav) असे गोळीबार करणाऱ्या तरुणाचे नाव असून तो गोळीबार करुन पळून जाण्याच्या प्रयत्नात असताना ट्रकखाली चिरडला गेला. यात तो गंभीर जखमी झाला असता रुग्णालयात (Hospital) नेतांना त्याचा मृत्यू झाला.
दरम्यान, घटनेची माहिती मिळताच पालघरचे पोलीस अधीक्षक बाळासाहेब पाटील (Balasaheb Patil) यांनी घटनास्थळी दाखल होत इतर पोलीस (Police) कर्मचाऱ्यांच्या मदतीने घटनास्थळाचा पंचनामा (Panchnama) केला. तसेच या प्रकरणाचा पोलीस सखोल तपास करत असून भर दिवसा झालेल्या गोळीबारामुळे परिसरात दहशतीचे वातावरण आहे.
