अहमदनगर |प्रतिनिधी| Ahmednagar
कोतवाली पोलिसांनी झेंडीगेट परिसरात दोन ठिकाणी छापेमारी करून 68 हजार रूपये किमतीचे गोमांस जप्त केले. या प्रकरणी दोघांविरूध्द गुन्हे दाखल करण्यात आले आहेत. सदरची कारवाई मंगळवारी (6 ऑगस्ट) दुपारी केली आहे.
वसीम अस्लम तांबोळी (वय 24 रा. मंगलगेट, कोठला) हा झेंडीगेट परिसरात कारी मस्जिदच्या शेजारी पत्र्याच्या शेडमध्ये गोमांस विक्री करत असताना पकडला. त्याच्या ताब्यातून 40 किलो गोमांस, एक चाकू व एक वजन काटा असा आठ हजाराचा मुद्देमाल जप्त करण्यात आला आहे.
पोलीस अंमलदार अतुल काजळे यांच्या फिर्यादीवरून त्याच्याविरूध्द गुन्हा दाखल करण्यात आला आहे. बेपारी मोहल्ला परिसरातील एका पत्र्याच्या शेडमध्ये गोमांस विक्री करताना इरफान फारूक कुरेशी (वय 36 रा. बेपारी मोहल्ला) याला पकडले. त्याच्याकडे 60 हजार रूपये किमतीचे गोमांस, एक चाकू व एक वजन काटा असा मुद्देमाल जप्त करण्यात आला आहे. पोलीस अंमलदार सुरज कदम यांच्या फिर्यादीवरून त्याच्याविरूध्द गुन्हा दाखल करण्यात आला आहे. पोलीस निरीक्षक प्रताप दराडे यांच्या मार्गदर्शनाखाली कोतवाली पोलिसांच्या गुन्हे शोध पथकाने ही कारवाई केली आहे.
