जळगाव, – विधानसभा सार्वत्रिक निवडणुकीचा कार्यक्रम काही दिवसांपुर्वीच जाहीर झाला आहे. विधानसभा मतदार संघाकरीता जिल्ह्यात बुधवार दिनांक २० नोव्हेंबर रोजी मतदान प्रक्रिया पार पडणार आहे. या पार्श्वभूमीवर जिल्ह्यात १८, १९, २०, २३ नोव्हेंबर रोजी मद्यविक्री बंद ठेवण्याचे आदेश जिल्हाधिकारी आयुष प्रसाद यांनी दिले आहेत. विधानसभा निवडणुक खुल्या, निर्भय व मुक्त वातावरणात पार पाडण्यासाठी तसेच निवडणुक कालावधीत कायदा व सुव्यवस्था अबाधित राहावा यासाठी मतदानाच्या दिवशी मद्यविक्री करण्यास मनाई करण्यात आली आहे.१८ नोव्हेंबर रोजी सांयकाळी ६.०० वाजेपासुन मतदान संपण्या अगोदर ४८ तास कोरडा दिवस पाळण्यात येणार आहे. तर मतदानाच्या पूर्वीचा दिवस म्हणजेच १९ नोव्हेंबर रोजी संपुर्ण दिवस आणि तसेच मतदानाच्या दिवशी २० नोव्हेंबर रोजी संपूर्ण दिवस कोरडा दिवस असणार आहे. त्यासोबतच मतमोजणीचा संपूर्ण दिवस म्हणजेच २३ नोव्हेंबर देखील कोरडा दिवस असेल असे आदेशात नमुद केले आहे.
- Advertisment -
