धुळे | प्रतिनिधी– क्षुल्लक कारणावरून जावयाने लाकडी दांडक्याने डोक्यात वार करीत सासुचा खून केला. तर सासर्‍याला देखील गंभीर जखमी केले. साक्री तालुक्यातील कावठी शिवारात ही घटना घडली. याप्रकरणी जावयावर साक्री पोलिसात गुन्हा नोंद झाला आहे.
याबाबत जयश्री कैलास सोनवणे (वय २६ रा. दिघावे ता. साक्री व ह.मु खडी के्रशरजवळ, कावठे शिवार ता. साक्री) यांनी पोलिसात दिलेल्या फिर्यादीनुसार, तिचे वडील राजेंद्र शांताराम मालचे व आई अरूणाबाई राजेंद्र मालचे (वय ४५ रा. वासखेडी ता.साक्री) हे दोघे काल दि. ६ रोजी सकाळी साडेदहा वाजेच्या सुमारास जावाई कैलास सुरेश सोनवणे यास समजविण्यास आले होते. त्यांनी त्यास माझी मुलगी जयश्री हिस मारहाण का करता, तिच्या चारित्र्यावर संशय का घेता, अशी विचारणा केली. त्याचा राग येवून जावाई कैलास सोनवणे याने रागाच्या भरात घराजवळ पडलेल्या लाकडी दांडक्याने सासरे राजेंद्र मालचे याच्या डोक्यावर वार करीत त्यांना गंभीर जखमी केले. तसेच सासु अरूणाबाई मालचे यांच्या डोक्यावर देखील दांडक्याने जोरदार वार करीत गंभीर जखमी करून तिचा खून केला. गुन्ह्याचा पुढील तपास पीएसआय राजेंद्र साळुंखे हे करीत आहेत.
