नदीत बुडून ५५ वर्षीय व्यक्तीचा मृत्यू

ठाणगाव । प्रतिनिधी Thangaon

सुरगाणा तालुक्यातील जाहुले येथील पार नदीत बुडाल्याने आळीवदांड येथील पुंडलीक देवराम देशमुख (55) यांचा मृत्यू झाला.

बुधवारी ते आपल्या राहत्या गावातून घराबाहेर पडले होते. गुरुवारी सकाळी ते आपल्या नातेवाईकांकडे टापूपाडा येथे गेले होते. परत येत असताना पार नदी पार करताना ही घटना घडली होती. त्यांचा मृतदेह शनिवारी पार नदीत आढळला. याबाबत बार्‍हे पोलिस ठाण्यात गुन्ह्याची नोंद झाली आहे.

याबाबत सहाय्यक पोलिस निरीक्षक सोपान राखोंडे यांच्या मार्गदर्शनाखाली पोलिस हवालदार वसंत खांडवी तपास करत आहे.