धुळे । dhule । प्रतिनिधी
भरधाव कारने दिलेल्या धडकेत पादचारी तरूण ठार झाला. काल दुपारी तालुक्यातील चिमठाणे शिवारात हा अपघात झाला.
- Advertisement -
याप्रकरणी कार चालकावर गुन्हा दाखल करण्यात आला आहे. प्रथमेश उर्फ पप्पु भिमराव अहिरे (वय 23 रा.चिमठाणे) असे मयत तरूणाचे नाव आहे. त्याला काल दि.28 रोजी दुपार दीड वाजेच्या सुमारास चिमठाणे गाव शिवारात चिमठाणे-साळवे या कच्च्या रस्त्यावर एमएच 18 डब्ल्यु 1273 क्रमांकाच्या भरधाव कारने मागावून जोरदार धडक दिली.
त्यात प्रथमेश हा गंभीर जखमी झाल्याने त्याचा मृत्यू झाला. अपघातानंतर कार चालक पसार झाला. याबाबत संतोष हिलाल धनगर यांच्या फिर्यादीनुसार कार चालकावर गुन्हा दाखल दाखल झाला आहे. पुढील तपास पोहेकाँ चव्हाण करीत आहेत.
