अहमदनगर|प्रतिनिधी| Ahmednagar
कार व दुचाकीची समोरासमोर धडक होऊन दुचाकीस्वाराचा मृत्यू झाला आहे. तात्याराम हरीभाऊ कोठुळे (वय 57 रा. दत्तमळा खडकी ता. नगर) असे मृत व्यक्तीचे नाव आहे.
- Advertisement -
नगर- दौंड रोडवरील खडकी शिवारात हा अपघात झाला. या प्रकरणी नगर तालुका पोलीस ठाण्यात कार (क्र. एमएच 16 बीक्यू 90) चालक अरूण देविदास पवार (रा. बुरूडगाव रोड, नगर) विरूद्ध गुन्हा दाखल करण्यात आला आहे.
तात्याराम कोठुळे त्यांच्या दुचाकीवरून नगर- दौंड रोडवरून जात असताना अरूण पवार याने त्याच्या कारची धडक कोठुळे यांच्या दुचाकीला दिली. या धडकेत कोठुळे यांचा मृत्यू झाला. पोलिसांनी कार चालक पवार विरूद्ध गुन्हा दाखल केला असून पुढील तपास पोलीस हवालदार गांगुर्डे करीत आहे.