बारामती | Baramati
राष्ट्रवादी काँग्रेसचे राष्ट्रीय अध्यक्ष आणि राज्याचे उपमुख्यमंत्री अजित पवार (Ajit Pawar) यांचं वयाच्या ६६ व्या वर्षी काल (बुधवारी) बारामतीमध्ये एका भीषण विमान अपघातात निधन झाले. त्यांच्या अकाली निधनामुळे संपूर्ण महाराष्ट्रासह पवार कुटुंबावर दुःखाचा डोंगर कोसळला आहे.
हे देखील वाचा : मोठी बातमी! उपमुख्यमंत्री अजित पवारांचा विमान अपघातात मृत्यू
उपमुख्यमंत्री अजित पवार (Ajit Pawar) यांच्यावर आज (दि.२९ ) रोजी बारामतीमधील विद्या प्रतिष्ठानच्या मैदानावर शासकीय इतमामात अंत्यसंस्कार केले जाणार आहेत. या अंत्यसंस्कारासाठी केंद्रीय गृहमंत्री अमित शाह, केंद्रीय मंत्री नितीन गडकरी, मुख्यमंत्री देवेंद्र फडणवीस, उप मुख्यमंत्री एकनाथ शिंदे, मनसे अध्यक्ष राज ठाकरे यांच्यासह दिग्गज नेते बारामतीमध्ये दाखल झाले आहेत. अजित पवारांना अखेरचा निरोप देण्यासाठी मोठ्या प्रमाणावर जनसमुदाय जमला आहे.
हे देखील वाचा : Ajit Pawar Death : थोड्याच वेळात अजित पवारांच्या पार्थिवावर शासकीय इतमामात अंत्यसंस्कार
अजित पवारांच्या अंत्यविधीसाठी त्यांचे काका आणि राष्ट्रवादी शरदचंद्र पवार पक्षाचे अध्यक्ष शरद पवार हे देखील बारामतीमधील विद्या प्रतिष्ठानच्या मैदानावर पोहोचले असून त्यांच्या चेहऱ्यावर नि:शब्द करणारे भाव बघायला मिळाले. विद्या प्रतिष्ठानच्या मैदानावर अनेक नेते शरद पवारांना भेटत असून, त्यांचे सांत्वन करत आहेत. मात्र, शरद पवारांचा चेहरा बघून सर्व निशब्द झाले आहेत. त्याचे काही फोटोही समोर आले आहेत.
हे देखील वाचा : Ajit Pawar Death : … अन् ‘त्याच’ घड्याळामुळे पटली अजित पवारांच्या मृतदेहाची ओळख; महाराष्ट्राच्या ‘दादा’ची चटका लावणारी एक्झिट
दरम्यान, कालच शरद पवारांनी माध्यमांशी बोलतांना अजित पवार यांचा अपघाती मृत्यू हा महाराष्ट्राला मोठा धक्का आहे. एक कर्तृत्ववान आणि निर्णय घेण्याची शक्ती ज्यांच्यात आहे, अशा व्यक्तीला महाराष्ट्र आज मुकला. ते काही नुकसान झालं आहे, ते भरून निघणारं नाही, अशी प्रतिक्रिया दिली होती.
हे देखील वाचा : Ajit Pawar Death : दमदार आणि दिलदार मित्र सोडून गेला – मुख्यमंत्री देवेंद्र फडणवीस
