मुंबई | Mumbai
राज्यातील सर्वात मोठी बातमी समोर आली आहे. महाराष्ट्राचे उपमुख्यमंत्री अजित पवार यांच्या खाजगी विमानाला आज सकाळी बारामतीत भीषण अपघात झाला. अजित पवारांचे विमान धावपट्टीवर उतरण्यापूर्वीच कोसळले. प्राथमिक माहितीनुसार, या भीषण अपघातात अजित पवार यांच्यासह विमानात असलेल्या इतर चारही सदस्यांचा दुर्दैवी मृत्यू झाला आहे. अजितदादा प्रायव्हेट विमानातून बारामतीला जात होते. दरम्यान, ज्या विमानामुळे अपघात झाला त्या विमानाची माहिती समोर आली आहे.
आज सकाळी ८.१० वाजता अजित पवार यांनी मुंबईहून बारामतीसाठी टेक-ऑफ केले होते. विमान साधारण ८.५० वाजता बारामती विमानतळाच्या धावपट्टीवर लँडिंग करणार होते. मात्र, लँडिंगच्या काही मिनिटे आधीच विमानाला अपघात झाला. पुणे ग्रामीणचे पोलीस अधीक्षक संदीप सिंह गिल यांनी दिलेल्या माहितीनुसार, अपघातस्थळी विमानाचे मोठे नुकसान झाले आहे. यावेळी शोधकार्यादरम्यान तीन मृतदेह सापडले आहेत. अद्याप सर्व मृतदेहांची ओळख पटवण्याचे काम सुरू असले तरी, प्रवाशांच्या यादीनुसार सर्व ५ जणांचा मृत्यू झाल्याची माहिती समोर आली आहे.
https://www.pib.gov.in/PressReleasePage.aspx?PRID=2219536&®=3&lang=2
विमानाची माहिती
ज्या विमानाला अपघात झाला, ते VSR (व्हीएसआर) या खाजगी कंपनीच्या मालकीचे होते. लिअरजेट 45 (Learjet 45) हे या विमानाचे मॉडेल होते. हे प्रामुख्याने खाजगी प्रवासासाठी वापरले जायचे. ते अत्याधुनिक जेट स्वरुपातील होते. VT-SSK असा या विमानाचा नोंदणी क्रमांक होता. कॅप्टन रोहित सिंग आणि व्ही. के. सिंग हे या व्हीएसआर कंपनीचे मालक आहेत. या विमानात उपमुख्यमंत्र्यांसह एकूण पाच जण स्वार होते.
अपघातात कोणा कोणाचा मृत्यू
अजित पवार: उपमुख्यमंत्री, महाराष्ट्र.
विदिप जाधव: मुंबई पोलीस दलातील हवालदार आणि अजित पवारांचे पीएसओ (PSO).
कॅप्टन सुमित कपूर: विमानाचे मुख्य पायलट (PIC).
कॅप्टन शांभवी पाठक: को-पायलट (FO).
पिंकी माळी: फ्लाईट अटेंडंट.
विमान अपघाताचे मुख्य कारण
अजित पवार ज्या विमानाने प्रवास करत होते ते विमान व्हीएसआर कंपनीचे होते. या कंपनीने विमान अपघाताबाबत स्पष्टीकरण दिले आहे. कंपनीच्या म्हणण्यांनुसार, विमान पूर्णतः सुरक्षित होते. त्यावर कार्यरत असलेले दोन्ही पायलट अत्यंत अनुभवी आहेत. प्राथमिक माहितीनुसार कमी दृश्यमानतेमुळे (विजिबिलिटी कमी असल्याने) ही घटना घडली असण्याची शक्यता व्यक्त करण्यात आली आहे. या प्रकरणाची सखोल चौकशी नागरी विमान वाहतूक महासंचालनालय (DGCA) करणार असल्याचेही VSR एविएशनने स्पष्ट केले आहे.
अजित पवार आज सकाळी ७.३० च्या सुमारास मुंबई येथून बारामतीकडे रवाना झाले होते. त्यांच्या विमानाचा ८.४५ च्या दरम्यान अपघात झाल्याची माहिती समोर आली आहे. दरम्यान, अजित पवारांसह एकूण ६ जणांचा या विमान अपघातात मृत्यू झाला आहे. त्यांचे सुरक्षारक्षक आणि वैमानिक असे एकूण ६ जण बारामतीला जात होते. त्यावेळी हा अपघात झाला. अपघातानंतर आता बारामती रुग्णालयाबाहेर खूप गर्दी झाली आहे. अजित दादांच्या निधनानंतर कार्यकर्त्यांना अश्रू अनावर झाले आहे.
देशदूतच्या व्हाट्सॲप ग्रुपला जॉईन होण्यासाठी लिंकवर क्लिक करा
