गाझियाबाद | Ghaziabad
भोजपुरीची अभिनेत्री आकांक्षा दुबे (Akanksha Dubey) हिच्या आत्महत्येप्रकरणी पोलिसांनी गायक आणि निर्माता समर सिंहला (Samar Singh) अटक केली आहे.
समर सिंहला गाझियाबादच्या नंदग्राम पोलीस स्टेशन परिसरातून अटक करण्यात आली. आकांक्षा दुबेच्या आत्महत्येनंतर समर सिंह फरार झाला होता.
आकांक्षाच्या आईने मुलीचा मृत्यू आत्महत्या नाही तर हत्या असल्याचा आरोप केला होता. यामध्ये तिने समरलाच आरोपी असल्याचे म्हटले होते. अभिनेत्री आकांक्षा दुबेच्या मृत्यूनंतर समर सिंह फरार झाला होता. पोलिसही त्याच्या मागावर होते. आकांक्षाच्या आईने समरवर आपल्या मुलीला ब्लॅकमेल केल्याचा आरोप केला होता.
अमोल कोल्हे करणार अमृता खानविलकरशी लग्न? Instagram पोस्टमुळे चर्चांना उधाण
२६ मार्च रोजी आकांक्षा दुबे वाराणसीतील एका हॉटेलमध्ये मृतावस्थेत आढळून आली होती. तिचा मृतदेह पंख्याला लटकलेल्या अवस्थेत आढळून आला होता. आकांक्षा भोजपुरी गायक समर सिंगसोबत रिलेशनशिपमध्ये असल्याचे बोलले जात होते.
आरोपींना वाचवण्याचे प्रयत्न सुरू असल्याचा आरोप तिच्या आईने केला होता. लग्नाच्या बहाण्याने शरीर संबंध निर्माण केले. समरने आकांक्षाचा आक्षेपार्ह व्हिडिओ रेकॉर्ड केल्याचा आरोप केला आहे.
एकीकडे उकाडा, तर दुसरीकडे अवकाळीचं संकट… नागरिकांना सतावतेय आरोग्याची भीती
आकांक्षा आणि समर सिंह लिव्ह इन रिलेशनशिपमध्ये राहत होते. यंदा व्हॅलेंटाईन डेला आकांक्षानेच या नात्याचा खुलासा केला होता. मृत्यूच्या एक दिवस आधी आकांक्षा आणि समर एका पार्टीला गेले होते. 25 मार्चच्या रात्री आकांक्षा बर्थडे पार्टीसाठी निघाली तेव्हा ती खूप खुश होती. ती ब्रेकअप पार्टी होती, असे पोलिसांनी सांगितले.
कोण आहे समरसिंह?
समर सिंग हा भोजपुरी चित्रपटसृष्टीतील प्रसिद्ध गायक आणि अभिनेता आहेत. त्याची गाणी अनेकदा सुपरहिट झाली आहेत. त्याने अनेक हिट चित्रपटही दिले आहेत. सूत्रांच्या मते, अभिनेता आकांक्षासोबत बर्याच काळापासून रिलेशनशिपमध्ये होता.
धावत्या रेल्वेत प्रवाशांना जिवंत जाळणाऱ्या आरोपीला रत्नागिरीतून अटक, पोलिसांनी अशा आवळल्या मुसक्या
समरचा राजकारणाशीही संबंध आहे. आकांक्षाने तिच्या इंस्टाग्राम प्रोफाइलवर समरसोबतचे अनेक रील आणि फोटो शेअर केले आहेत. समरने अलीकडेच तिच्या अकाऊंटवर अभिनेत्रीचा फोटो शेअर करून तिच्या निधनाबद्दल शोक व्यक्त केला होता. या पोस्टवर लोकांनी आकांक्षाच्या मृत्यूसाठी समरला जबाबदार धरले.
