जामनेर : होळ हवेली येथे विजेचा शॉक लागून तरुण शेतकऱ्याचा मृत्यू

जामनेर (प्रतिनिधी) –

जामनेर तालुक्यातील होळहवेली येथील तरुण शेतकरी सचिन भगवान चव्हाण (वय 20) हा आज दि.19 डिसेंबर रोजी सकाळी 9 वा.सुमारास शेतामध्ये कपाशी व गहू पिकाला पाणी भरणा करण्यासाठी गेला असता इलेक्ट्रिक पंप सुरू करीत असताना पेटी मध्ये करंट असल्याने त्याला शॉक लागून त्याचा जागीच मृत्यू झाला.

याबाबत जामनेर पोलिस स्टेशनला अकस्मात मृत्यूची नोंद करण्यात आली असून जामनेर  उपजिल्हा रुग्णालयात शवविच्छेदन करण्यात आले आहे. पुढील तपास पोलीस करीत आहेत.