दिल्ली । Delhi
ब्रिटनमध्ये सत्तांतर घडून आले असून भारतीय वंशाचे पंतप्रधान ऋषी सुनक यांचा पराभव झाला आहे. किर स्टार्मर यांच्या नेतृत्वाखालील विरोधी मजूर पक्षाने आघाडी घेतली आहे. ब्रिटनमध्ये १४ वर्षांनी सत्तांतर झाले आहे.
एक्झिट पोलचे अंदाज देखील मजूर पक्षाच्या बाजूने होते. ऋषी सुनक यांच्या सत्ताधारी कंझर्व्हेटिव्ह पक्षाला दारुण पराभवाला सामोरं जावं लागलंय. ६१० सदस्यांच्या हाऊस ऑफ कॉमन्समध्ये मजूर पक्षाने आतापर्यंत ४१० जागांवर, तर कंझर्व्हेटिव्ह पक्षाने १२० जागांवर विजय मिळवला आहे.
हे देखील वाचा : शेअर मार्केटमध्ये कोटींची गुंतवणूक, एकही कार नाही; पंकजा मुंडेंची संपत्ती नेमकी किती?
दरम्यान, ऋषी सुनक यांनी आपला पराभव स्वीकारला आहे. या पराभवाची जबाबदारी त्यांनी स्वत: घेतली आहे. या पराभवाची जबाबदारी मी स्वीकारतो आणि किर स्टार्मरचे विजयाबद्दल अभिनंदन करतो, अशी प्रतिक्रिया ऋषी सुनक यांनी दिली आहे.
गेल्या १४ वर्षांपासून सत्तेत असलेला हुजूर पक्ष आणि प्रमुख विरोधी मजूर पक्ष हे दोन मोठे पक्ष ब्रिटनमध्ये आहेत. तेथील सत्ता ही या दोन पक्षांपैकी एकाकडे असते. त्यातही हुजूर पक्षाला सत्तेत राहण्याची सर्वाधिक संधी ब्रिटनच्या जनतेने दिली आहे. सध्या हुजूर पक्षाचे नेतृत्व सुनक यांच्याकडे, तर मजूर पक्षाची धुरा एप्रिल २०२० पासून स्टार्मर यांच्याकडे आहे.
किर स्टार्मर हे ६१ वर्षीय मजूर पक्षाचे नेते आहेत. त्यांचा जन्म २ सप्टेंबर १९६२ रोजी ऑक्स्टेड, सरे येथे एका कामगार-वर्गीय कुटुंबात झाला. त्याची आई संधिवाताने ग्रस्त नर्स होती. स्टाररचे वडील टूल बनवण्याचे काम करायचे. स्टारमरने रीगेट व्याकरण शाळेत शिक्षण घेतले. विद्यापीठात जाणारे ते त्यांच्या कुटुंबातील पहिले व्यक्ती होते.
हे ही वाचा : चौघांना साठ लाखांचा गंडा
राजकारणात येण्यापूर्वी केयर स्टारर वकील म्हणून सराव करत असत. ते ब्रिटनमधील प्रसिद्ध मानवाधिकार वकील होते. त्यांनी लीड्स विद्यापीठात कायद्याचे शिक्षण घेतले. मिळालेल्या माहितीनुसार, किर स्टाररने १९८७ मध्ये बॅरिस्टर म्हणून करिअरची सुरुवात केली होती. माजी वकील किर स्टार्मर यांनी २०१५ मध्ये संसदेत प्रवेश केला आणि २०२० मध्ये मजूर पक्षाचे नेतृत्व स्वीकारले.
