नेवासा |तालुका वार्ताहर| Newasa
शेतजमिनीच्या सामायिक बांधाच्या वादातून (Dispute) चौघांनी दोघांना मारहाण (Beating) करुन जीवे मारण्याची धमकी दिल्याची घटना तालुक्यातील गोणेगाव येथे घडली असन याबाबत दाखल फिर्यादीवरुन नेवासा पोलीस ठाण्यात (Newasa Police Station) गुन्हा दाखल करण्यात आला आहे.
याबाबत अजित चाँद काझी (वय 34) धंदा-मजुरी रा. गोणेगाव यांनी फिर्याद दिली असून त्यात म्हटले की, 21 जून रोजी रोजी दुपारी एक वाजण्याच्या सुमारास मी माझे घरी असताना माझ्या भावकीतील इसाक मोहम्मद काझी, रिहान अमिन काझी असे दोघेजण माझ्या घरी आले व मला म्हणाले की, मी तुझा सामाईक बाध फोडला नाही तू आमचे नाव का घेतो? असे म्हणून इसाक काझी याने मला लाथाबुक्क्यांनी मारहाण (Beating) केली व रिहान काझी याने त्याचे हातातील लोखंडी कोयत्याने माझे कपाळावर मारुन जखमी (Injured) केले त्यानंतर माझी पत्नी तबासुम ही आमचे भांडण सोडवण्यासाठी आली असता रिहान काझी याच्या हातातील कोयता हिसकावून घेत असताना तिच्या उजव्या हाताला तो लागला.
त्यानंतर महेरु मोहम्मद काझी व असम्मा अमिन काझी अशांनी माझ्या पत्नीस लाथाबुक्क्यांनी मारहाण (Beating) केली व तुम्ही जर आमच्या विरुध्द पोलीस स्टेशनला तक्रार दिली तर तुला जिवेच मारुन टाकीन अशी धमकी (Threat) दिली. या फिर्यादीवरुन वरील चौघांवर भारतीय दंड विधान कलम 324, 323, 504, 506 प्रमाणे गुन्हा दाखल करण्यात आला आहे.
