नाशिक | प्रतिनिधी Nashik
- Advertisement -
गंगापूर रोडवरील प्रसाद सर्कल येथील एटीएम केंद्रात पैसे काढण्यासाठी गेलेल्या ज्येष्ठ नागरिकाला मदतीचा बहाणा करून भामट्याने एटीएम कार्डची अदलाबदल करून ६६ हजार रुपये काढून घेत फसवणूक केली आहे.
वसंत देवराव खताळे (रा. पेठरोड, गंगापूर गाव) यांच्या फिर्यादीनुसार, १० तारखेला ते सायंकाळी साडेपाचच्या सुमारास प्रसाद सर्कल येथील एसबीआयच्या एटीएममध्ये पैसे काढण्यासाठी गेले असता, त्यावेळी पाठीमागे उभ्या असलेल्या संशयिताने चोरून पीन नंबर बघितला आणि त्यानंतर मदतीचा बहाणा करीत हातचलाखीने एटीएम बदलून त्यांना दिले. त्यानंतर संशयिताने दुसऱ्या एटीएम मशिनमधून ६६ हजार रुपये काढून घेत गंडा घातला.
या बाबत गंगापूर पोलिसात गुन्हा दाखल झाला आहे.
