येवल्यात मुसळधार पाऊस

येवला | प्रतिनिधी Yeola

येवला शहर व परिसरात झालेल्या मुसळधार पावसाने अनेक ठिकाणी पाणी तुंबले तर काही दुकाने आणि घरांमध्ये पाणी शिरल्याने नुकसान झाले आहे.

शहरासह तालुका परिसरात सलग दोन दिवसांपासून दुपारी आणि रात्रीही पाऊस जोरदारपणे कोसळत आहे. बाजार समिती, पाटोदा रोड, मेनरोड, शनी पटांगण, लक्कडकोट, साई बाबा मंदिर परिसरात पाणीच पाणी झाले. अनेक ठिकाणी पाणी साचल्याने तळ्याचे स्वरूप प्राप्त झाले . काही दुकानात पाणी शिरले तर हुडको वसाहतीत घरांमध्ये पाणी शिरल्याने रहिवाशांचे नुकसान झाले आहे.