दुबई | वृत्तसंस्था
आयसीसी चॅम्पियन्स ट्रॉफी क्रिकेट स्पर्धेचा (ICC Champions Trophy – 2025-) पारंपरिक कट्टर प्रतिस्पर्धी भारत विरुद्ध पाकिस्तान संघांमध्ये हायव्होल्टेज सामना संयुक्त अरब अमिरातीच्या दुबई आंतराष्ट्रीय मैदानावर खेळण्यात आला. भारतीय संघाच्या विराट कोहलीने ‘विराट’कामगिरी करत १११ चेंडूत १०० धावा केल्या तर श्रेयस अय्यरने केलेले अर्धशतक यात भारतीय संघाने पाकिस्तानचा दणदणीत पराभव केला.
नाणेफेक जिंकून पाकिस्तानचा कर्णधार मोहम्मद रिझवानने प्रथम फलंदाजी करण्याचा निर्णय घेतला. पाकिस्तानच्या संघाकडून इमाम- उल -हक व बाबर आझम प्रथम फलंदाजीस आले.सामन्याच्या नवव्या षटकाच्या दुसऱ्या चेंडूत हार्दिक पांड्याच्या गोलंदाजीवर के एल राहुलने बाबर आझमला झेलचीत केले. बाबर आझमने २६ चेंडूत २३ धावा केल्या. पाठोपाठ दहाव्या षटकाच्या दुसऱ्या चेंडूवर अक्षर पटेलने इमाम -उल- हकला धावचीत करत केले.इमाम -उल- हकने २६ चेंडूत १० धावा केल्या. सामन्याच्या ३४व्या षटकात पाकिस्तानचा कर्णधार मोहम्मद रिझवानला अक्षर पटेलने क्लीन बोल्ड करत तंबूत परत पाठविले.मोहम्मद रिझवानने ७७ चेंडूत ४६ धावा केल्या.
३५व्या षटकात हार्दिक पांड्याच्या गोलंदाजीवर अक्षर पटेलने सउद शकील झेलबाद केले. सउद शकीलने ७६ चेंडूत ६२ धावा केल्या.तर ३७व्या षटकाच्या पहिल्या चेंडूत रविंद्र जडेजाने तय्यब ताहिरला क्लीन बोल्ड करत अवघ्या ४ धावांवर तंबूत परत पाठविले. ४३ व्या षटकात कुलदीप यादवच्या गोलंदाजीवर रवींद्र जडेजाने सलमान अली आगाला झेलचीत केले. सलमान अली आगाने २४ चेंडूत १९ धावा केल्या. पाठोपाठ ४३व्या षटकाच्या ५व्या चेंडूत कुलदीप यादवने शाहीन अफरीदीला पायचीत करत शून्य धावसंख्येवर माघारी पाठविले. ४७व्या षटकात कुलदीप यादवच्या गोलंदाजीवर विराट कोहलीने नसीम शहाला झेल बाद केले नसीम शहाने १६ चेंडूत १४ धावा केल्या. ४९व्या षटकात अक्षर पटेलने हॅरीस रौफला धावचीत केले.हॅरीस रौफने ७ चेंडूत ८ धावा केल्या. तर ५० व्या हर्षित रानाच्या गोलंदाजीवर ४थ्या चेंडूत खुशदिल शहाला विराट कोहलीने झेल बाद केले. खुशदिल शहाने ३९ चेंडूत ३८ धावा केल्या. अखेरच्या षटकात पाकिस्तानच्या संघाने सर्व गडी बाद २४१ धावा केल्या.
भारतीय संघाकडून रोहित शर्मा व शुभमन गिल प्रथम फलंदाजीस आले.सलामीस आलेल्या फलंदाजांनी जोरदार फटकेबाजीने सुरवात केली.सामन्याच्या ५व्या षटकात शाहीन आफ्रिदीने रोहित शर्माला १५ धावांवर क्लीन बोल्ड केले. रोहित शर्मा नंतर शुभमन गिल आणि विराट कोहलीने धुवाधार फलांदाजी करत असतानाच सामन्याच्या १८व्या षटकात अब्रार अहमदने शुभमन गिलला त्रिफळाचीत केले. शुभमन गिलने ५२ चेंडूत ४६ धावा केल्या. तर सामन्याच्या ३९ व्या षटकात खुशदिल शहाच्या गोलंदाजीवर इमाम- उल -हकने श्रेयस अय्यरला झेल बाद केले. श्रेयस अय्यर ने ने ६७ चेंडूत ५६ धावा केल्या.४० व्या षटकात शाहीन आफ्रिदीच्या गोलंदाजीवर मोहमद रिजवानमी हार्दिक पांड्याला ८ धावांवर झेलचीत केले.विराट कोहलीने १११ चेंडूत १०० धावा करत भारतीय संघास विजय मिळवून दिला.
