चाळीसगाव | प्रतिनिधी | Chalisgaon
चाळीसगावचे माजी आमदार तथा राष्ट्रवादीचे नेते राजीव देशमुख (Rajiv Deshmukh) यांचे आज पहाटे हृदयविकाराने निधन (Heart Attack) झाले आहे. त्यांच्या निधनामुळे चाळीसगावसह जळगाव जिल्ह्याच्या राजकारणात मोठी हळहळ व्यक्त केली जात आहे.
राजीव देशमुख यांनी २००९ ते २०१४ या कालावधीत चाळीसगाव विधानसभा मतदारसंघाचे आमदार (MLA) म्हणून प्रतिनिधित्व केले होते. आमदारकीच्या काळात त्यांनी चाळीसगाव आणि परिसरातील पायाभूत सुविधांच्या विकासासाठी विविध उपक्रम राबवले. त्याआधी चाळीसगाव नगरपरिषदेचे नगराध्यक्ष म्हणूनही त्यांनी उल्लेखनीय कार्य केले होते. त्यांचा २०१४ आणि २०१९ विधानसभा निवडणुकीत पराभव झाला होता. मात्र, कार्यकर्त्यांमध्ये त्यांचा प्रभाव कायम होता.
दरम्यान, राजीव देशमुख सध्या राष्ट्रवादी काँग्रेस (शरद पवार) पक्षाच्या प्रदेश उपाध्यक्ष पदावर कार्यरत होते. त्यांच्या निधनामुळे सामाजिक,राजकीय,औद्योगिक, शैक्षणिक बदलांचे शिल्पकार अजात शत्रू अस व्यक्तिमत्व सोडून गेल्याची भावना चाळीसगावकरांकडून व्यक्त होत आहे. तर देशमुख यांच्या निधनामुळे चाळीसगाव तालुक्यातील (Chalisgaon Taluka) सोशल मीडियावर काळी दिवाळी म्हणून शोक व्यक्त केला जात आहे.
