मुंबई । Mumbai
शाहरुख खानचा (Shah Rukh Khan) आगामी चित्रपट जवान (Jawan) लवकरच प्रेक्षकांच्या भेटीला येणार आले. या चित्रपटातील जिंदा बंदा (Zinda Banda) हे गाणं प्रेक्षकांच्या भेटीला आले आहे.
सोशल मीडियावर या गाण्याने धुमाकुळ माजवला आहे. या गाण्याला चाहत्यांनी भरभरून प्रतिसाद दिला आहे. तर गाण्यामुळे चाहत्यांची चित्रपट पाहण्याची उत्सुकता शिगेला पोहचली आहे. या गाण्याची खासियत अशी आहे की, या गाण्यात शायर वसीम बरेलवी यांच्या एका शेरचा वापर करण्यात आला आहे. ‘उसूलों पर जहा आंच आए टकराना जरूरी है, जो जिंदा हो तो फिर जिंदा नजर आना जरूरी है’ या ओळींचा वापर करण्यात आला आहे.
‘जवान’ हा सिनेमा ७ सप्टेंबर २०२३ रोजी सिनेमागृहात प्रदर्शित होणार आहे. किंग खानसह या सिनेमात नयनतारा (Nayanthara), प्रियामणी (Priyamani), विजय सेतुपती हे कलाकार मुख्य भूमिकेमध्ये दिसून येणार आहेत. तर बॉलिवूड अभिनेत्री दीपिका पदुकोणची हटके झलक या सिनेमात बघायला मिळणार असल्याचे सांगितले जात आहे. तसेच मराठमोळी अभिनेत्री गिरीजा ओक (Girija Oak) या सिनेमात मुख्य भूमिकेमध्ये चाहत्यांचे मनोरंजन करणार आहे.
