कल्याण । kalyan
काही दिवसांपूर्वी घाटकोपर येथे होर्डिंग (Ghatkopar Hoarding Collapse) कोसळून मोठी दुर्घटना घडली होती. याच घटनेची पुनरावृत्ती कल्याणमध्ये (Kalyan) होता होता टळली.
कल्याणच्या सहजाणंद चौकात शुक्रवारी सकाळच्या सुमारास भलं मोठं होर्डिंग कोसळून अपघात झाला आहे. यामध्ये अनेक वाहने होर्डिंगखाली अटकली. सुदैवाने या घटनेत कोणतीही जीवितहानी झाली नाही. मात्र, होर्डिंगखाली दबल्याने २ जण जखमी झाले.
हे हि वाचा : वेषांतरांच्या आरोपांवर अजितदादा भडकले; म्हणाले, तर मी राजकारण सोडेन…
सहजानंद चौकात होर्डिंग कोसळल्याने मोठी वाहतूक कोंडी झाली आहे. पोलीस या घटनास्थळी आले असून होर्डिंग हटवण्यासाठी अग्निशमन दलाचं पथकही आलं. या होर्डिंगखाली दहा ते बारा दुचाकी आहेत. तसेच एक चारचाकी गाडीदेखील आहे.
सुदैवाने चारचाकीतील चालक होर्डिंग पडण्याच्या काहीवेळ आधीच गाडीतून बाहेर पडला होता. होर्डिंग कोसळल्याने वाहनचालकांचे मोठ्या प्रमाणावर नुकसान झालं आहे. या होर्डिंगजवळ रुग्णालयासहित अनेक दुकाने समोर आलेल्या व्हिडिओमध्ये दिसत आहेत.
हे हि वाचा : Paris Olympic 2024 : भारताला मोठा धक्का! पी.व्ही. सिंधूची पॅरिस ऑलिम्पिकमधून…
