लोहोणेर | प्रतिनिधी
येथील रहिवाशी दीपक जयपालसिह परदेशी (वय ३५) या युवकाने आपल्या राहत्या घरी गळफास घेऊन आत्महत्या केली. या संदर्भात देवळा पोलीस ठाण्यात तक्रार दाखल करण्यात आली. आत्महत्येचे निश्चित कारण मात्र समजु शकले नाही. गळफास घेण्याची पंधरा दिवसात लोहोणेर गावातील ही दुसरी घटना आहे. मयत दीपक परदेशी हा चारचाकी गाडीचा चालक म्हणून लोहोणेर येथे काम करीत होता.
आज दुपारी त्याने आपल्या राहत्या घरी गळफास घेऊन आत्महत्या केली. त्यावेळी त्याची पत्नी शेती कामासाठी गेली होती. त्याचे लहान मुले घरात आल्या नंतर सदर प्रकार उघडकीस आला. त्याचे पश्चात्त पत्नी व दोन मुले असा परिवार आहे.येथील रहिवासी विलास परदेशी यांचा तो बंधू होता.
देवळा येथील ग्रामीण रुग्णालयात शवविच्छेदन केल्या नंतर सायंकाळी लोहोणेर येथे अत्यंत शोकाकुल वातावरणात त्याचे व अंत्यसंस्कार करण्यात आले. या संदर्भात देवळा पोलीस ठाण्यात तक्रार दाखल करण्यात आली असून पोलीस निरीक्षक सुहास देशमुख यांच्या मार्गदर्शनाखाली पोलीस हवालदार पी. एन.सोनवणे हे पुढील तपास करीत आहेत. लोहोणेर गावात गेल्या पंधरा दिवसात ही गळफास घेऊन आत्महतेची दुसरी घटनेची घडल्याने सर्वत्र हळहळ व्यक्त केली जात आहे.
