नवी दिल्ली – मार्च महिन्यासाठी केंद्र सरकारने खुल्या विक्रीसाठी 21 लाख टन साखरेचा कोटा निश्चित केला आहे. 28 फेब्रुवारीला काढलेल्या अधिसूचनेमध्ये सरकारच्या खाद्य मंत्रालयाने मार्चसाठी देशातील 545 कारखान्यांना साखर विक्रीचा 21 लाख टन साखर कोट्याचे वाटप केले आहे.
गेल्या महिन्याच्या तुलनेत अधिक साखरेचे वाटप करण्यात आले आहे. खाद्य मंत्रालयाने फेब्रुवारी 2020 साठी 20 लाख टन साखर विक्री कोटयाला मंजूरी दिली होती. तर दुसरीकडे मार्च 2019 च्या तुलनेत यंदा 3.5 लाख टन कमी साखर वाटप केली आहे. सरकार ने मार्च 2019 साठी 24.5 लाख टन साखरेचे वाटप केले होते.
साखर उद्योगातील जाणकारांच्या मते, या महिन्यात उन्हाळा असल्याने साखरेचा व्यापार सकारात्मक राहण्याची शक्यता आहे. तर चांगल्या मागणीबरोबरच बाजारातील उपयुक्त लाभांचा फायदा घेण्यासाठी व्यापार्‍यांना साखरेचा साठा करण्यात रस आहे.
