Malegaon MC Election Results : मालेगावात प्रभाग क्रमांक १ ते २१ मध्ये कोणता पक्ष ‘धुरंधर’; विजयी उमेदवारांची यादी वाचा सविस्तर

मालेगाव | Malegaon

महापालिकेच्या २१ प्रभागातील ८४ जागांसाठी गुरुवार (दि.१५) रोजी ६४.८ टक्के मतदान झाले होते. आठ वर्षाच्या कालखंडानंतर होत असलेली महानगरपालिका निवडणूक (Municipal Corporation Election) सर्वच पक्षांतर्फे प्रतिष्ठेची करण्यात आली होती. एक जागा बिनविरोध झाल्याने ८३ जागांसाठी पक्ष व अपक्ष असे एकूण ३०१ उमेदवार निवडणुकीच्या रिंगणात होते. शुक्रवार (दि.१६) रोजी या निवडणुकीचा निकाल जाहीर झाला असता त्यात इस्लाम पार्टीने सर्वाधिक ३५ जागा जिंकत मोठा पक्ष ठरला आहे.

हे देखील वाचा : Nashik Election Results 2026 : प्रभाग निहाय पक्षीय विजयी उमेदवारांची यादी; वाचा सविस्तर

मालेगाव महापालिका निवडणुकीत अपेक्षेप्रमाणे पश्चिम भागात १८ जागा जिंकत शिवसेनेने (Shivsena) तर पूर्व भागात ३५ जागा पटकावत इस्लाम पार्टीने दणदणीत यश संपादन केले आहे. तर एमआयएमला २१ आणि भाजपला अवघ्या २ जागांवर समाधान मानावे लागले. याशिवाय समाजवादी पक्ष ५ आणि काँग्रेसचे ३ नगरसेवक विजयी झाले.

हे देखील वाचा : Nashik MC Election : ठाकरेंच्या सेनेला सोडून शिंदे सेनेत गेलेला ‘हा’ बडा नेता अवघ्या २८४ मतांनी विजयी; तर काहींची नगरसेवक होण्याची संधी थोडक्यात हुकली

बहुमतासाठी आवश्यक ४३ हा जादुई आकडा गाठण्यास इस्लाम-समाजवादी आघाडीस अवघ्या ३ नगरसेवकांची आवश्यकता असून, महापालिकेवर इस्लाम पार्टीची सत्ता राहणार असल्याचे निकालावरून स्पष्ट झाले आहे. तर सत्तेवर येण्याचा दावा करणार्‍या भाजपसह एमआयएमला मतदारांनी नाकारल्याने त्यांना दारूण पराभवाचा सामना करावा लागला. त्यामुळे आता या निवडणुकीत कोणत्या पक्षाचे किती नगरसेवक निवडून आले हे जाणून घेणार आहोत.

विजयी उमेदवारांची यादी