..तर विखे-थोरात संघर्ष संपेल !

अहमदनगर |प्रतिनिधी| Ahmednagar

आ. राधाकृष्ण विखे पाटील आणि संगमनेरचे आ. बाळासाहेब थोरात यांच्यात काही मुद्द्यावर संघर्ष आहे. जोपर्यंत संबंधीत मुद्दे संपत नाही, तोपर्यंत सुरू असणारा संघर्ष सुरू राहणार आहे. संगमनेरमधील वेगळ्या पध्दतीने राजकारण बंद झाल्यास विखे- थोरात संघर्ष देखील संपेल, असे सुचक वक्तव्य भाजप खा. डॉ. सुजय विखे पाटील यांनी केले.

पदवीधर निवडणुकीच्या पार्श्वभूमीवर मतदान केंद्राच्या ठिकाणी भेट दिल्यानंतर खा. डॉ. विखे बोलत होते. ते म्हणाले, विखे आणि थोरात यांच्यात काही मुद्द्यावर संघर्ष आहे. विखे यांची मूळ भूमिका संगमनेरमध्ये होणारी वाळूतस्करी, बेसुमार वाळू उपसा, अवैध गौण खनिज प्रकरणाला विरोध करणारी आहे. ते सुरू राहिल्यास आ. थोरात यांच्यासोबत संघर्ष सुरू राहिल.

दुसरीकडे विखे- तांबे असा संघर्ष कधीच नव्हता. गेली 10 ते 15 वर्षे डॉ. तांबे यांनी पदवीधर मतदारसंघात चांगले काम केलेले आहे. त्यांच्या बद्दल कोणाचे मत वाईट नाही. दुसरीकडे संगमनेरचे लोकप्रतिनिधी असणारे आ. थोरात यांनी वेगळ्या पध्दतीने राजकारण थांबल्यास विखे- थोरात संपेल अशी अपेक्षा खा. विखे यांनी व्यक्त केली.