नंदुरबार –
नंदुरबार तालुका विधायक समिती शैक्षणिक परिवार व रघुवंशी परिवाराच्या वतीने मुख्यमंत्री सहाय्यता निधीसाठी 15 लाख रुपयांचा निधी मुख्यमंत्री उध्दव ठाकरे यांना माजी आ.चंद्रकांत रघुवंशी यांनी सुपुर्त केला.
नंदुरबार राज्याचे नुतन मुख्यमंत्री उध्दव ठाकरे यांना गोरगरीब जनतेला मदत व्हावी म्हणून तसेच संकटात सापडलेल्या, शेतकर्याला आर्थिक मदत करता यावी म्हणून व गरजु लोकांना मुख्यमंत्री सहाय्यता निधीतुन मुख्यमंत्री वेळोवेळी मदत करीत असतात.
त्या मुख्यमंत्री सहाय्यता निधीत आपला काही सहभाग असावा या उदात्त हेतु ठेवत मदत केली पाहिजे या भावनेतुन नंदुरबार तालुका विधायक समिती शैक्षणिक परिवार व रघुवंशी कुटूंबाच्या वतीने आज नुतन मुख्यमंत्री उध्दव ठाकरे यांना 15 लाख रुपयांचा निधी मुख्यमंत्री सहाय्यता निधीसाठी माजी. आ.चंद्रकांत रघुवंशी यांच्या हस्ते देण्यात आला.
यावेळी आ.अब्दुल सत्तार,आ.किशोर पाटील, शिवसेना जिल्हा प्रमुख विक्रांत मोरे, उपजिल्हा प्रमुख देवेंद्र जैन उपस्थितीत होते.
