पेठ | Peth | वार्ताहर
दोन दिवसांपूर्वी ज्या जागेवर मोटरसायकल अपघातात (Bike) २ तरुणांचा मृत्यु (Youth) झाला होता. त्याच ठिकाणाजवळ आज (गुरुवार) पुन्हा दोन मोटरसायकलींची समोरासमोर धडक होऊन भीषण अपघात (Accident) घडला आहे. या अपघातात दोघांचा मृत्यू , तर दोघे गंभीर जखमी झाले आहेत.
याबाबत अधिक माहिती अशी की, गुजरातमधील (Gujarat) वावर ता. कापराडा, जि.बलसाड येथील रामदास शिवराम शवरा (वय ३८) हे आपली मोटरसायकल क्रमांक जीजे १५ डीएल ८१२२ ने पेठकडे (Peth) येत होते. यावेळी पेठकडून गुजरातकडे जाणारी विना क्रमांकाची पल्सर गाडी घेऊन हिरामण लक्ष्मण बोरसे (वय ४२) यांनी समोरून येणाऱ्या मोटरसायकलला जोरदार धडक दिली.
दरम्यान, या धडकेत रामदास शवरा व हिरामण बोरसे हे घटनास्थळी जागीच मृत्युमुखी पडले. तर या मोटरसायकल वरून प्रवास करणारे नितीन मन्या शवरा व गणेश सोमा गाढवे हे गंभीर जखमी झाले आहेत. याप्रकरणी शिवराम नानू शवरा यांच्या फिर्यादीवरून पेठ पोलीस ठाण्यात (Peth Police Station) नोंद करण्यात आली .
