नाशिक | Nashik
शहरातील अनंत कान्हेरे मैदानावर (गोल्फ क्लब) (Anant Kanhere Ground) एका तरुणीवर एका मुलाने भरदिवसा प्राणघातक हल्ला (Attack) केल्याची घटना आज सकाळी दहा वाजेच्या सुमारास घडली आहे. हल्ला करणाऱ्या मुलाला पोलिसांनी (Police) ताब्यात घेतले आहे.
याबाबत मिळालेल्या माहितीनुसार, प्रेम प्रकरणातून तरुणीवर (Girl) हल्ला केल्याचा प्राथमिक अंदाज पोलिसांकडून (Police) व्यक्त केला जात आहे. मात्र, अद्याप या हल्ल्यामागचे कारण स्पष्टपणे समजू शकलेले नाही. तर हल्ला केल्यानंतर उपस्थित नागरिकांनी या मुलाला चांगलाच चोप दिला.
दरम्यान, याप्रकरणी मुंबई नाका पोलीस ठाण्यात (Mumbai Naka Police Station) गुन्हा दाखल करण्याचे काम सुरु आहे. तसेच या हल्ल्यात तरुणी गंभीर जखमी झाली असून तिला पुढील उपचारासाठी नाशिकच्या जिल्हा रुग्णालयात (District Hospital) तातडीने दाखल करण्यात आले आहे.
