नाशिक | प्रतिनिधी | Nashik
महात्मा फुले जनआराेग्य याेजनेंतर्गत (Mahatma Phule Jan Arogya Yojana) शस्त्रक्रिया झाली असताना महिला रुग्णास डिस्चार्ज देण्यासाठी उपचार कालावधीत ५१ हजार रुपयांच्या लाचेची (Bribe) मागणी करुन त्यातील ३१ हजार रुपये स्विकारणाऱ्या पंचवटीतील नामको कॅन्सर हॉस्पिटलच्या (Namco Cancer Hospital) वैद्यकीय अधीक्षक महिलेसह कॅशिअरवर एसीबीने गुन्हा दाखल केला आहे.
हाॅस्पिटलच्या वैद्यकीय अधीक्षक डाॅ. विशाखा जहाँगिरदार, कॅशियर महिला व अन्य एक महिला अशी संशयितांची नावे आहेत. नाशिकमधील एका बीपीएल कुटुंबातील ४९ वर्षीय तक्रारदाराने नाशिक लाचलुचपत प्रतिबंधक विभागाकडे (Anti Corruption Department) तक्रार दाखल केली हाेती. त्याच्या पत्नीवर हॉस्पिटलमध्ये शासनाच्या वरील योजनेअंतर्गत शस्त्रक्रिया झाली आहे. त्यामुळे शस्त्रक्रियेसह रुग्णास डिस्चार्ज देण्यासाठी संशयित डाॅक्टर व स्टाफने लाच मागितल्याची तक्रार एसीबीला प्राप्त झाली.
दरम्यान, यानंतर पथकाने पडताळणी केली असता संशयितांनी वेगवेगळ्या कालावधीत संशयित स्टाफ व कॅशिअरने लाचेची रक्कम स्विकारल्याचे समाेर आल्याने गुन्हा (Case) दाखल करण्यात आला आहे.
